Lateinische Schulverse Schillers

von 1771.

(Mitgetheilt von Herrn Rooschüz.)

Carmen,

quo
Viro plurimum reverendo atque doctissimo,
M. ZILLINGIO,
Coetus sanctioris, qui Ludovicopoli Christo colligitur,
Decano dignissimo atque meritissimo,
Patrono suo longe omnium suspiciendo;
Pro
Venia feriarum autumnalium benignissime concessa,
gratias agere
Et benevolentiae ejus commendare sese voluit

Tanti viri
observantissimus cultor,
Joannes Christophorus Friedericus
Schiller.

Ludovicopoli
d. 28. Septembris
MDCCLXXI.

O mihi post ullos nunquam memorande Decane,
   Audi hilari grates nunc quoque fronte meas.
Quod libertatem nobis requiescere paulum
   A studiis nostris atque labore dabas.
Nam non sunt semper tractanda negotia curis,
   Alternoque juvat mista labore quies.
Aequor in aequales cessant vexare procellae,
   Paxque, catenato Marte, quieta redit.
Ille decus Grajûm curru prius actus ovanti,
   Doctos arundineo currere gaudet equo.
Saepe solent Musae, plectro citharaque relictis,
   Pactilibus [sic] violas implicuisse rosis.
E quibus annosae crescunt sacra robora silvae,
   His quoque numinibus grata Myrica viret.
Parva subinde Tibi labor improbus otia suadet,
   Quem semper tensum [?] rumpitur arcus habes.
Biga boûm (armantur dura cervice) recusat,
   Pressa diu incurvo subdere colla jugo.
Jugera sic fas est, dederint ubi foenora, cessant,
   Est cum victor eques frena remittat equis.
Et rude donatur fassus gladiator in armis
   Tingens ad postes Herculis arma sua.
Hoc est, cur nobis permisisti otia quaedam,
   Nam scis quod semper discere nemo queat.
Accipe nunc grates deductas pectore grato,
   Quoas ego pro venia debeo jure Tibi.
Opto, ut sis semper salvus cum conjuge salva,
   Et liceat fato candidiore frui.
Detur inoffensae metam tibi tangere vitae,
   Te jubet ex terra donec abire Deus.
Summe Decane, precor mea carmina spernere parce,
   Me Tibi commendo de meliore nota.

          Cop. testatur

                                  Oberamtsrichter zu Marbach am Neckar
                                                        G. Rooschüz.

Ü   Þ

© 1999 - 2004 Copyright by Jürgen Kühnle
Über Anregungen und Kommentare zu diesen Seiten würde ich mich freuen juergen@kuehnle-online.de